Sinopsia

Baso sakonean etxe bat, bidexkaren amaieran eskola bat, barazkiak gau eta egun. Odolaren usai gatzitua. Oilar axolagabea, azeria, otsoa, ehiztariak, umeak eta ogroak… Ogro txikia.

Ogro txikiak izkin egingo dio bere patuari. Hiru froga gainditu beharko ditu ogro izaerari eta desio basatiei aurre egiteko.

Aitarengandik jaso du haragi xamurrarenganako gogoa. Amak, aldiz, munduarekin bakean bizitzeko grina oparitu dio.

Sinopsia

Jules Verneren azken abenturan» irudimenari gorazarre egin nahi diogu, eta irudimenaz ari garala, bidebatez, Verneri berari, gizakion sormen gaitasunaren erakusle argia delako. Bada, irudimenak esperimendutik, jolasetik, atrebentziatik…asko duelako, gure istorioaren protagonista izateko Verne bera aukeratu dugu.

Istorioak idazle frantziarraren «Lurraren erdigunerako bidaia» eleberrian du oinarri, Verneren ondare diren beste hainbat pasadizo eta pertsonaia ere agertuko diren arren, esaterako, Fogg edo eta Nemo kapitaina bera.

Ikuskizuna zuen gustoko izatea espero dugu, eta ez ahaztu motxilak, bidaia hastera doa eta!

Sinopsia

Cyrano maitasun istorioa da. Ezinezko maitasunaren istorioa. Gorputzaren eta arimaren huts-beteez mintzo da. Itsusi eta sentibera, eder eta ergel… sentitzeaz.

Istorio poetikoa da. Askatasun aldarria. Handi eta txikien bihotzak hunkituko dituena.
Claudio Hochman.

Sinopsia

Hiri berri bat aurkitu dugu irudimenaren geografian.

Hiriak izaki bizidunak dira, etengabe ari dira handitzen; munduko bazter eta txoko ezberdinetatik etorritako gero eta jende gehiago biltzen da haietan. Mundua ulertzeko ikuspegi anitzak, kultura ezberdinak, hainbat literatura berri, horrenbeste ipuin ezezagun…

Irudimendeko hirian hainbat herrialdetako ipuin tradizionalak elkar harremanean jartzen ditugu, eta gizakiokin gertatzen den era berean, aberastu egiten dira elkar… istorio modernoa eta mestizoa eraikiz.

Sinopsia

Egundoko altxorra dago Kalifaren semea askatzearen truke. Abordajeak, bahiketak, iruzurra eta jazarpena Venezian.

Gorakada ikuskizun berri batekin datorkigu. Gianni Rodariren ipuin batean oinarrituta, Ricardo Combik moldatutako lana du abiapuntu.”Jim altxorraren irlan”, “Robin eta Hood” eta “Titirikontu Kontari” antzezlanek kritikoen zein ikusentzuleen artean izandako arrakastaren ostean, Gorakadak kaleko ikuskizun baten aldeko apustua egin nahi izan du, konpainiaren beraren hastapenetara bueltatuz. “Reziklatex”, “Nahikoa” edo “Caperucita” lanekin kalerik kale aritu baitzen hainbat eta hainbat herritan.

Sinopsia

Gorakada Antzerki Taldeak ikuskizun berria aurkeztuko du aurki: “Robin eta Hood”, Sherwoodeko heroiaren inguruan egindako (sormen berriko) antzezlana.

Aurreko muntaiaren* arrakastaren ondoren, oraingo honetan Gorakada taldea aktore jokoa eta txontxongiloak erabiltzeko teknika ezberdinak konbinatzen dituen proposamen berri batekin dator.

*( “Jin, altxor uhartean” antzezlanak kritika eta ikusleen txaloa jasotzeaz gain lau sari garrantzitsu irabazi ditu: Zuzendari onenari eta Eskenografiarik onenari Xixongo FETEN Antzerki Azokan eta Eszenaratze onenari Albaidako Txotxongileen Jaialdian eta 2004-2005 denboraldiko antzezlan hoberenari Imagina Saria, Nerja-Malaga.)

“Robin eta Hood” familia osoari zuzendutako ikuskizuna da, 5 urtetik 105 urte bitartekoentzat, alegia.

Gure istorioan Robin da protagonista, XII. mendeko nekazari gazte bat. Aitak irakurtzen eta idazten erakutsi zion eta horri esker Robin Hood izeneko heroi baten abenturak idazten hasi da. Idatzi horiek herriari helarazten dizkio. Juan Lurgabea errege ankerrak izan du idatzien berri eta sutan jarri da. Gogotsu hasiko da idazlearen bila hura zigortu nahi duelako. Robin Sherwoodeko basoan ezkutatu da eta han bizitako gorabeherak bere istorioetan islatuko ditu… Robin Hood herriaren heroi bihurtuko da, honenbestez.

Sinopsia

Lurperatutako altxor baten bila suertatutako gora-beheren istorio zirraragarria da “Jim Altxorraren Uhartean’’; bertan, Jim Hawkins gazteak, abentura horretan murgilduta, ongiaren eta gaizkiaren aurpegiak bereizten ikasi beharko du bere kabuz, lagun onberen eta John Silver eta gainerako pirata beldurgarrien artean.

Ikuskizun arina eta kilikagarria prestatu du Gorakadak, betiere Stevenson-en eleberriaren izpirituari estu lotuta eta pertsonaia ahaztezinez eta une irrigarriz josita. Aipagarria da halaber musika-konposizioa, eta bereziki, abestiz osatutako hiru momentu. Hala bada, obra klasiko bilakatu duten osagai horiek guztiek bat egin dute Gorakadaren bertsioan: intrigak, abenturak, exotismoak, ezusteak, erromantizismoak…

Sinopsia

Lurperatutako altxor baten bila suertatutako gora-beheren istorio zirraragarria da “Jim Altxorraren Uhartean’’; bertan, Jim Hawkins gazteak, abentura horretan murgilduta, ongiaren eta gaizkiaren aurpegiak bereizten ikasi beharko du bere kabuz, lagun onberen eta John Silver eta gainerako pirata beldurgarrien artean.

Ikuskizun arina eta kilikagarria prestatu du Gorakadak, betiere Stevenson-en eleberriaren izpirituari estu lotuta eta pertsonaia ahaztezinez eta une irrigarriz josita. Aipagarria da halaber musika-konposizioa, eta bereziki, abestiz osatutako hiru momentu. Hala bada, obra klasiko bilakatu duten osagai horiek guztiek bat egin dute Gorakadaren bertsioan: intrigak, abenturak, exotismoak, ezusteak, erromantizismoak…

Sinopsia

Gepettok bere azken lana amaitu du: Pinocchio. Baina, nor da Pinocchio? Zer egiten du mundu honetan? Edo zer egin beharko luke? Galdera horiei erantzuteko, bidaia bati ekingo dio: mundu errealetik imajinaziora, nobela pikareskoaren iruditeriatik animaliaz jositako fabulara.

Gure Pinocchio zertxobait punkya da eta XXI. mendean bizi da. Izan ere, oso interesgarria iruditzen zaigu istorioak kontatzeko kode berriak aurkitzea, istorio klasikoak izanda ere.

Sariak